ਵੱਡੀ ਖ਼ਬਰ : ਮਹਿਲਾ ਪ੍ਰੋਫੈਸਰ ਨੇ ਪਹਿਲੇ ਸਾਲ ਦੇ ਵਿਦਿਆਰਥੀ ਨਾਲ ਕਲਾਸ ਰੂਮ ਚ ਬਣਾਇਆ ਵਿਆਹ ਵਾਲਾ ਮਾਹੌਲ, ਵਿਦਿਆਰਥੀ ਨੇ ਵੀ ਪ੍ਰੋਫ਼ੈਸਰ ਦੀ ਮਾਂਗ ਵਿੱਚ ਭਰ ਦਿੱਤਾ ਸਿੰਦੂਰ

January 30, 2025January 29, 2025 Adesh Parminder Singh

ਕੋਲਕਾਤਾ : ਇਥੋਂ ਦੇ ਨਾਦੀਆ ਜ਼ਿਲ੍ਹੇ ਵਿੱਚ ਮੌਲਾਨਾ ਅਬੁਲ ਕਲਾਮ ਆਜ਼ਾਦ ਯੂਨੀਵਰਸਿਟੀ ਆਫ ਟੈਕਨਾਲੋਜੀ, ਹਰੀਨਘਾਟਾ ਦੇ ਮਨੋਵਿਗਿਆਨ ਵਿਭਾਗ (Psychology) ਦੇ ਕਲਾਸ ਰੂਮ ਵਿੱਚ ਇੱਕ ਮਹਿਲਾ ਪ੍ਰੋਫੈਸਰ ਨੂੰ ਦੁਲਹਨ ਵਾਂਗ ਕੱਪੜੇ ਪਹਿਨੇ ਦੇਖਿਆ ਗਿਆ ਅਤੇ ਲਾੜਾ ਪਹਿਲੇ ਸਾਲ ਦਾ ਵਿਦਿਆਰਥੀ ਸੀ।

ਦੂਜੇ ਵਿਦਿਆਰਥੀਆਂ ਨੇ ਪ੍ਰੋਫ਼ੈਸਰ ਅਤੇ ਵਿਦਿਆਰਥੀ ਦੇ ਇੱਕ ਦੂਜੇ ਨੂੰ ਹਾਰ ਪਹਿਨਾਏ ਜਾਣ ਦਾ ਦ੍ਰਿਸ਼ ਆਪਣੇ ਮੋਬਾਈਲ ਫ਼ੋਨ ਵਿੱਚ ਕੈਦ ਕਰ ਲਿਆ। ਪਹਿਲੇ ਸਾਲ ਦੇ ਵਿਦਿਆਰਥੀ ਨੇ ਵੀ ਪ੍ਰੋਫ਼ੈਸਰ ਦੀ ਮਾਂਗ ਵਿੱਚ ਸਿੰਦੂਰ ਭਰ ਦਿੱਤਾ। ਇਨ੍ਹਾਂ ਤਸਵੀਰਾਂ ਅਤੇ ਵੀਡੀਓਜ਼ ਦੇ ਪ੍ਰਸਾਰਿਤ ਹੋਣ ਤੋਂ ਬਾਅਦ ਹੰਗਾਮਾ ਮਚ ਗਿਆ ਹੈ।

ਮਹਿਲਾ ਪ੍ਰੋਫੈਸਰ ਨੂੰ ਛੁੱਟੀ ‘ਤੇ ਭੇਜਿਆ

ਇਸ ਗੱਲ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ ਕਿ ਇਹ ਵਿਆਹ ਅਸਲੀ ਹੈ ਜਾਂ ਫਰਜ਼ੀ? ਇਸ ਦੌਰਾਨ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਵਿਭਾਗ ਦੇ ਪ੍ਰੋਫੈਸਰ ਕਮ ਮੁਖੀ ਨੂੰ ਛੁੱਟੀ ‘ਤੇ ਭੇਜ ਦਿੱਤਾ ਹੈ, ਜਿਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੋ ਗਈਆਂ ਹਨ।

ਸਥਾਨਕ ਸੂਤਰਾਂ ਅਨੁਸਾਰ ਜਿਸ ਫੋਟੋ ਅਤੇ ਵੀਡੀਓ ਨੇ ਹੰਗਾਮਾ ਮਚਾਇਆ ਹੈ, ਉਹ ਅਬੁਲ ਕਲਾਮ ਆਜ਼ਾਦ ਟੈਕਨਾਲੋਜੀ ਯੂਨੀਵਰਸਿਟੀ ਦੇ ਹਰੀਨਾਘਾਟਾ ਕੈਂਪਸ ‘ਚ ‘ਅਪਲਾਈਡ ਸਾਈਕਾਲੋਜੀ’ ਵਿਭਾਗ ਦੇ ਮੁਖੀ ਅਤੇ ਪਹਿਲੇ ਸਾਲ ਦੇ ਵਿਦਿਆਰਥੀ ਦੀ ਹੈ।

ਕਲਾਸਰੂਮ ‘ਚ ਵਿਆਹ ਕੀਤਾ

ਮੰਗਲਵਾਰ ਨੂੰ ਵਿਭਾਗ ਦੀ ਮੁਖੀ ਲਾਲ ਬਨਾਰਸੀ ਸਾੜੀ ਪਾ ਕੇ ਯੂਨੀਵਰਸਿਟੀ ਆਈ। ਉਸ ਦੇ ਹੱਥਾਂ ਵਿੱਚ ਗੁਲਾਬ ਦੇ ਫੁੱਲਾਂ ਦੀ ਮਾਲਾ ਸੀ। ਪਹਿਲੇ ਸਾਲ ਦੇ ਇੱਕ ਵਿਦਿਆਰਥੀ ਨੇ ਕਲਾਸ ਰੂਮ ਵਿੱਚ ‘ਮੈਡਮ’ ਦੀ ਮਾਂਗ ‘ਚ ਸੰਧੂਰ ਭਰਿਆ ਅਤੇ ਇੱਕ ਦੂਜੇ ਨੂੰ ਮਾਲਾ ਪਹਿਨਾਈ।ਇਸ ਸਮੇਂ ਦੌਰਾਨ, ਵਿਦਿਆਰਥੀ ਦੇ ਮੋਢੇ ‘ਤੇ ਇੱਕ ਸ਼ਾਲ ਸੀ, ਜਿਸ ਦਾ ਇੱਕ ਲੜ ਪ੍ਰੋਫੈਸਰ ਦੀ ਸਾੜੀ ਦੇ ਪੱਲੂ ਨਾਲ ਬੰਨ੍ਹਿਆ ਹੋਇਆ ਸੀ, ਜਿਵੇਂ ਕਿ ਆਮ ਤੌਰ ‘ਤੇ ਵਿਆਹ ਅਤੇ ਸ਼ੁਭ ਸਮਾਗਮਾਂ ਦੌਰਾਨ ਪਤੀ-ਪਤਨੀ ਦਾ ਗੱਠਬੰਧਨ ਹੁੰਦਾ ਹੈ। ਇਸ ਘਟਨਾ ਨੂੰ ਜਮਾਤ ਦੇ ਹੋਰ ਵਿਦਿਆਰਥੀਆਂ ਨੇ ਵੀ ਦੇਖਿਆ। ਇਨ੍ਹਾਂ ‘ਚੋਂ ਕੁਝ ਨੇ ਤਸਵੀਰਾਂ ਖਿੱਚੀਆਂ, ਕੁਝ ਨੇ ਵੀਡੀਓ ਬਣਾ ਲਿਆ, ਜੋ ਪਲਾਂ ‘ਚ ਵਾਇਰਲ ਹੋ ਗਿਆ। ਇਸ ਤੋਂ ਬਾਅਦ ਬਹਿਸ ਸ਼ੁਰੂ ਹੋ ਗਈ।ਦੱਸਿਆ ਜਾ ਰਿਹਾ ਹੈ ਕਿ ਵੀਡੀਓ ਦੇਖਣ ਤੋਂ ਬਾਅਦ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਜਲਦਬਾਜ਼ੀ ‘ਚ ਵਿਭਾਗ ਦੇ ਮੁਖੀ ਕਮ ਪ੍ਰੋਫੈਸਰ ਨੂੰ ਛੁੱਟੀ ‘ਤੇ ਭੇਜ ਦਿੱਤਾ ਹੈ। ਉਕਤ ਪਹਿਲੇ ਸਾਲ ਦਾ ਵਿਦਿਆਰਥੀ ਵੀ ਲਾਪਤਾ ਹੈ। ਘਟਨਾ ਤੋਂ ਬਾਅਦ ਉਸ ਦੇ ਸਹਿਪਾਠੀ ਵੀ ਹੈਰਾਨ ਰਹਿ ਗਏ।

ਯੂਨੀਵਰਸਿਟੀ ਵੱਲੋਂ ਜਾਂਚ ਸ਼ੁਰੂ

ਯੂਨੀਵਰਸਿਟੀ ਦੇ ਕਾਰਜਕਾਰੀ ਉਪ ਕੁਲਪਤੀ ਤਾਪਸ ਚੱਕਰਵਰਤੀ ਨੇ ਦੱਸਿਆ ਕਿ ਵਿਭਾਗ ਦੇ ਮੁਖੀ ਖ਼ਿਲਾਫ਼ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਉਸ ਨੂੰ ਕਲਾਸ ਵਿੱਚ ਆਪਣੇ ਵਿਹਾਰ ਦੀ ਵਿਆਖਿਆ ਕਰਨ ਲਈ ਕਿਹਾ ਗਿਆ ਹੈ। ਉਸਨੇ ਜ਼ਬਾਨੀ ਕਿਹਾ ਕਿ ਉਸਨੇ ਕਲਾਸ ਵਿੱਚ ਇੱਕ ਪ੍ਰੋਜੈਕਟ ਲਈ ਕੰਮ ਕੀਤਾ ਸੀ।

ਹਾਲਾਂਕਿ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਜੇਕਰ ਇਕ-ਦੂਜੇ ਨੂੰ ਮਾਲਾ ਪਾਉਣਾ ਅਤੇ ਮੱਥੇ ‘ਤੇ ਸਿੰਦੂਰ ਲਗਾਉਣਾ ਇਕ ਅਧਿਐਨ ਪ੍ਰੋਜੈਕਟ ਦਾ ਹਿੱਸਾ ਸੀ ਅਤੇ ਸਾਰਾ ਮਾਮਲਾ ਇਕ ਡਰਾਮਾ ਸੀ ਤਾਂ ਫਿਰ ਵਿਭਾਗ ਦੇ ਮੁਖੀ ਨੂੰ ਛੁੱਟੀ ‘ਤੇ ਕਿਉਂ ਭੇਜਿਆ ਗਿਆ।

4090

News