LATEST UPDATED:: ਦੁਖਦ ਖਬਰ.. ਸੀਨੀਅਰ ਅਕਾਲੀ ਆਗੂ ਕਰਨੈਲ ਸਿੰਘ ਆਪਣੇ ਪੁੱਤ ਦੀਪਾ ਗੋਂਦਪੁਰ ਦੀ ਮੌਤ ਨੂੰ ਬਰਦਾਸ਼ਤ ਨਹੀਂ ਕਰ ਸਕਿਆ, ਭੋਗ ਤੋਂ ਇੱਕ ਦਿਨ ਪਹਿਲਾਂ ਪਿਤਾ ਨੇ ਦੁਨਿਆਂ ਨੂੰ ਕਿਹਾ ਅਲਵਿਦਾ • CANADIAN DOABA TIMES

ਗੜ੍ਹਦੀਵਾਲਾ / ਹੁਸ਼ਿਆਰਪੁਰ, 6 ਅਪ੍ਰੈਲ (ਚੌਧਰੀ) : ਸਵਰਗੀ ਅਕਾਲੀ ਨੇਤਾ ਪੁੱਤਰ ਕਲਦੀਪ ਸਿੰਘ ਦੀਪਾ ਗੋਂਦਪੁਰ ਦੇ ਪਰਿਵਾਰ ਤੇ ਉਸ ਵੇਲੇ ਦੁਖਾਂ ਦਾ ਪਹਾੜ ਟੁੱਟ ਪਿਆ ਜਦੋਂ ਦੀਪਾ ਪੁੱਤਰ ਦੇ ਭੋਗ ਤੋਂ ਇੱਕ ਦਿਨ ਪਹਿਲਾਂ ਅੱਜ ਸਵੇਰੇ 5 ਵਜੇ ਪਿਤਾ ਅਕਾਲੀ ਆਗੂ ਸਰਦਾਰ ਕਰਨੈਲ ਸਿੰਘ ਇਸ ਫਾਨੀ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ।ਜਿਸ ਕਰਕੇ ਪਰਿਵਾਰ ਨੂੰ ਕਦੇ ਵੀ ਪੂਰਾ ਨਾ ਹੋਣ ਵਾਲਾ ਇੱਕ ਹੋਰ ਵੱਡਾ ਘਾਟਾ ਪਿਆ ਹੈ। ਜਿਕਰਯੋਗ ਹੈ ਕਿ ਅਕਾਲੀ ਦਲ ਦੇ ਜਿਲ੍ਹਾ ਵਾਈਸ ਪ੍ਰਧਾਨ ਸਰਦਾਰ ਕੁਲਦੀਪ ਸਿੰਘ ਦੀ 26 ਅਪ੍ਰੈਲ ਨੂੰ ਬੇਵਕਤੀ ਮੌਤ ਹੋ ਗਈ ਸੀ।

ਜਿਸ ਕਾਰਨ ਪਰਿਵਾਰ ਪਹਿਲਾਂ ਹੀ ਸਦਮੇ ਵਿਚ ਸੀ। ਸਵਰਗੀ ਕੁਲਦੀਪ ਸਿੰਘ ਦੀ ਆਤਮਿਕ ਸ਼ਾਂਤੀ ਲਈ ਅਰਦਾਸ 7 ਮਈ ਨੂੰ ਕੀਤੀ ਜਾਣੀ ਸੀ ਉਸ ਪਹਿਲਾਂ ਇਹ ਭਾਣਾ ਵਰਤ ਗਿਆ। ਸਵਰਗੀ ਕੁਲਦੀਪ ਸਿੰਘ ਦੀਪਾ ਗੋਂਦਪੁਰ ਦੇ ਪਿਤਾ ਸਰਦਾਰ ਕਰਨੈਲ ਸਿੰਘ ਦੀ ਮੌਤ ਤੇ ਪਾਰਟੀ ਦੇ ਸੀਨੀਅਰ ਆਗੂ ਜਿਲਾ ਪ੍ਰਧਾਨ ਸੁਰਿੰਦਰ ਸਿੰਘ ਭੁਲੇਵਾਲ ਰਾਠਾਂ, ਹਲਕਾ ਇੰਚਾਰਜ ਅਰਵਿੰਦਰ ਸਿੰਘ ਰਸੂਲਪੁਰ, ਕੌਮੀ ਮੀਤ ਪ੍ਰਧਾਨ ਕਮਲਜੀਤ ਸਿੰਘ ਕੁਲਾਰ,ਕਿਸਾਨ ਵਿੰਗ ਦੇ ਜਿਲਾ ਪ੍ਰਧਾਨ ਇਕਬਾਲ ਸਿੰਘ ਜੌਹਲ,ਗੁਰਮਿੰਦਰ ਸਿੰਘ ਰੰਮੀ,ਗੁਰਦੀਪ ਸਿੰਘ ਦਾਰਾਪੁਰ,ਡਾ ਕਰਮ ਸਿੰਘ, ਰਾਮਜੀ ਬਾਹਟੀਵਾਲ, ਸਰਕਲ ਇੰਚਾਰਜ ਗੜ੍ਹਦੀਵਾਲਾ ਕੁਲਦੀਪ ਸਿੰਘ ਲਾਡੀ,ਸਰਕਲ ਇੰਚਾਰਜ ਕੰਢੀ ਸੰਜੀਵ ਸਿੰਘ ਕੋਈ ਸਰਕਲ ਇੰਚਾਰਜ ਹਰਵਿੰਦਰ ਸਿੰਘ ਸਮਰਾ, ਸ਼ਹਿਰੀ ਪ੍ਰਧਾਨ ਵਿਵੇਕ ਗੁਪਤਾ, ਯੂਥ ਨੇਤਾ ਸੁਭਮ ਸਹੋਤਾ, ਸ਼ੈਕੀ ਕਲਿਆਣ ਸਮੇਤ ਸਮੂਹ ਪਤਰਕਾਰ ਭਾਈਚਾਰੇ ਅਤੇ ਪਾਰਟੀ ਦੇ ਹੋਰ ਆਗੂਆਂ ਨੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।

News