ਲੁਧਿਆਣਾ / ਗੁਰਦਾਸਪੁਰ (ਰਜਿੰਦਰ ਰਾਜਨ, ਅਸ਼ਵਨੀ): ਤੇਜ਼ ਰਫਤਾਰ ਕਾਰ ਦੱਖਣੀ ਸ਼ਹਿਰ ਦੀ ਨਹਿਰ ਵਿੱਚ ਡਿੱਗਣ ਨਾਲ ਇੱਕ ਮੈਡੀਕਲ ਵਿਦਿਆਰਥਣ ਸਮੇਤ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ । ਹਾਦਸੇ ਦੌਰਾਨ ਕਾਰ ਦਾ ਡਰਾਈਵਰ ਨਹਿਰ ਵਿੱਚੋਂ ਬਾਹਰ ਤੈਰ ਕੇ ਆ ਗਿਆ ਸੀ ।
ਸੂਚਨਾ ਮਿਲਣ ਤੋਂ ਬਾਅਦ ਪੀਏਯੂ ਥਾਣੇ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ, ਗੋਤਾਖੋਰਾਂ ਦੀ ਮਦਦ ਨਾਲ ਲਾਸ਼ਾਂ ਨੂੰ ਬਾਹਰ ਕੱਢ ਲਿਆ ਗਿਆ। ਮ੍ਰਿਤਕਾਂ ਦੀ ਪਛਾਣ 19 ਸਾਲਾ ਪ੍ਰਭਜੋਤ, 18 ਸਾਲਾ ਪਾਹੁਲਪ੍ਰੀਤ ਸਿੰਘ ਅਤੇ 19 ਸਾਲਾ ਤੀਕਸ਼ਾ ਸੈਣੀ ਵਜੋਂ ਹੋਈ ।
ਪੀਏਯੂ ਥਾਣੇ ਦੀ ਪੁਲਿਸ ਨੇ ਰਾਹੁਲ ਦੇ ਨਹਿਰ ਵਿਚੋਂ ਬਾਹਰ ਆਉਣ ਤੋਂ ਬਾਅਦ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
ਜਾਣਕਾਰੀ ਅਨੁਸਾਰ ਜਹਾਂਗੀਰਪੁਰੀ (ਦਿੱਲੀ ) ਇਲਾਕੇ ਦੀ ਰਹਿਣ ਵਾਲੀ ਤੀਕਸ਼ਾ ਸੈਣੀ 20 ਦਿਨ ਪਹਿਲਾਂ ਮੈਡੀਕਲ ਇੰਟਰਨਸ਼ਿਪ ਲਈ ਲੁਧਿਆਣਾ ਆਈ ਸੀ। ਕੁਝ ਸਮਾਂ ਪਹਿਲਾਂ ਉਸ ਦੀ ਫੇਸਬੁੱਕ ‘ਤੇ ਪ੍ਰਭਜੋਤ ਨਾਲ ਦੋਸਤੀ ਹੋ ਗਈ ਸੀ। ਪ੍ਰਭਜੋਤ ਆਪਣੇ ਦੋ ਦੋਸਤਾਂ ਨਾਲ ਐਤਵਾਰ ਨੂੰ ਉਸ ਨੂੰ ਮਿਲਣ ਲਈ ਲੁਧਿਆਣਾ ਆਇਆ ਸੀ। ਹਾਲਾਂਕਿ, ਤਿੰਨਾਂ ਵਿਚੋਂ ਕਿਸੇ ਨੇ ਵੀ ਆਪਣੇ ਘਰ ਵਿਚ ਕਿਸੇ ਨੂੰ ਨਹੀਂ ਦੱਸਿਆ ਕਿ ਉਹ ਲੁਧਿਆਣਾ ਜਾ ਰਹੇ ਹਨ। ਤਿੰਨੋਂ ਘੁੰਮਣ ਦੇ ਬਹਾਨੇ ਨਾਲ ਘਰੋਂ ਆਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਤੀਕਸ਼ਾ ਪ੍ਰਤਾਪਪੁਰਾ ਵਿਚ ਕਿਤੇ ਇੰਟਰਨਸ਼ਿਪ ਕਰ ਰਹੀ ਸੀ ਅਤੇ ਉਥੇ ਇਕ ਪੀਜੀ ਵਿਚ ਰਹਿੰਦੀ ਸੀ।
ਰਾਹੁਲ ਨੇ ਦੱਸਿਆ ਕਿ ਪਾਹੁਲ ਹਾਦਸੇ ਦੇ ਸਮੇਂ ਕਾਰ ਚਲਾ ਰਿਹਾ ਸੀ
ਪੁਲਿਸ ਨੂੰ ਦਿੱਤੇ ਆਪਣੇ ਬਿਆਨ ਵਿੱਚ ਰਾਹੁਲ ਨੇ ਦੱਸਿਆ ਕਿ ਪਾਹੁਲ ਹਾਦਸੇ ਦੇ ਸਮੇਂ ਕਾਰ ਚਲਾ ਰਿਹਾ ਸੀ। ਉਹ ਉਸਦੇ ਨਾਲ ਵਾਲੀ ਸੀਟ ‘ਤੇ ਬੈਠਾ ਸੀ, ਜਦੋਂ ਕਿ ਪ੍ਰਭਜੋਤ ਅਤੇ ਤੀਕਸ਼ਾ ਪਿਛਲੀ ਸੀਟ ਤੇ ਬੈਠੇ ਸਨ। ਹਾਦਸੇ ਦੇ ਸਮੇਂ, ਤਿੰਨੇ ਤੀਕਸ਼ਾ ਨੂੰ ਛੱਡਣ ਲਈ ਪ੍ਰਤਾਪਪੁਰਾ ਜਾ ਰਹੇ ਸਨ। ਹਾਦਸੇ ਸਮੇਂ ਕਾਰ ਦੀ ਗਤੀ 80 ਦੇ ਆਸ ਪਾਸ ਸੀ। ਜਿਵੇਂ ਹੀ ਉਹ ਪੀਏਯੂ ਗੇਟ ਨੰਬਰ ਅੱਠ ਦੇ ਸਾਹਮਣੇ ਪਹੁੰਚੇ ਤਾਂ ਪੁਲ ਦੇ ਦੂਜੇ ਪਾਸੇ ਤੋਂ ਆ ਰਹੀ ਆਈ -20 ਕਾਰ ਬਿਨਾਂ ਕੋਈ ਇੰਡੀਕੇਟਰ ਦਿੱਤੇ ਮੁੜ ਗਈ । ਘਬਰਾਹਟ ਵਿਚ ਉਨ੍ਹਾਂ ਦੀ ਕਾਰ ਆਪਣਾ ਸੰਤੁਲਨ ਗੁਆ ਬੈਠੀ ਅਤੇ ਦੂਸਰੀ ਕਾਰ ਨੂੰ ਟੱਕਰ ਮਾਰ ਦਿੱਤੀ ਅਤੇ ਸਿੱਧੀ ਨਹਿਰ ਵਿਚ ਜਾ ਡਿੱਗੀ। ਉਸ ਨੇ ਕਾਰ ਦੀ ਖਿੜਕੀ ਖੋਲੀ ਤੇ ਛਾਲ ਮਾਰ ਕੇ ਨਹਿਰ ਦੇ ਕਿਨਾਰੇ ਤੈਰ ਆਇਆ। ਦੇਰ ਰਾਤ ਰਾਹੁਲ ਦੇ ਦੋ ਚਾਚੇ ਪੁਲਿਸ ਚੌਕੀ ਪਹੁੰਚੇ। ਦੋਵੇਂ ਗੁਰਦਾਸਪੁਰ ਵਿੱਚ ਪੁਲਿਸ ਮੁਲਾਜ਼ਮ ਹਨ। ਸਾਲ 2007 ਵਿਚ ਰਾਹੁਲ ਦੇ ਪਿਤਾ ਦਾ ਦੇਹਾਂਤ ਹੋ ਗਿਆ ਸੀ।
ਡੀਸੀਪੀ ਦੀਪਕ ਪਾਰੀਕ ਨੇ ਕਿਹਾ ਕਿ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਹਾਦਸੇ ਦੀ ਅਸਲੀਅਤ ਜਾਣਨ ਲਈ ਪੁਲਿਸ ਟੀਮਾਂ ਸੇਫ ਸਿਟੀ ਪ੍ਰੋਜੈਕਟ ਤਹਿਤ ਲਗਾਏ ਗਏ ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕਰ ਰਹੀਆਂ ਹਨ। ਮ੍ਰਿਤਕਾਂ ਦੇ ਰਿਸ਼ਤੇਦਾਰਾਂ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
ਗੁਰਦਾਸਪੁਰ ਦੇ ਸੰਤ ਨਗਰ ਨਿਵਾਸੀ ਪਾਹੁਲਪ੍ਰੀਤ ਸਿੰਘ ਦੇ ਪਿਤਾ ਬਲਜਿੰਦਰ ਸਿੰਘ ਏਐਸਆਈ ਨੇ ਦਿਤੀ ਜਾਣਕਾਰੀ
ਗੁਰਦਾਸਪੁਰ ਦੇ ਸੰਤ ਨਗਰ ਨਿਵਾਸੀ ਪਾਹੁਲਪ੍ਰੀਤ ਸਿੰਘ ਦੇ ਪਿਤਾ ਬਲਜਿੰਦਰ ਸਿੰਘ ਪੁਲਿਸ ਵਿੱਚ ਏਐਸਆਈ ਹਨ। ਉਸਨੇ ਦੱਸਿਆ ਕਿ ਸਵੇਰੇ ਸਾਢੇ 9 ਵਜੇ ਪਾਹੁਲ ਇਹ ਕਹਿ ਕੇ ਘਰ ਤੋਂ ਆਇਆ ਕਿ ਉਹ ਧਾਰਮਿਕ ਪ੍ਰੋਗਰਾਮ ਲਈ ਪ੍ਰਭਜੋਤ ਦੇ ਘਰ ਜਾ ਰਿਹਾ ਹੈ। ਪ੍ਰਭਜੋਤ ਅਮਰ ਨਗਰ, ਕਪੂਰਥਲਾ ਵਿੱਚ ਆਪਣੀ ਨਾਨਕੇ ਸੀ। ਪਾਹੁਲ ਅਤੇ ਰਾਹੁਲ ਆਪਣੀ ਕਾਰ ਵਿਚ ਕਪੂਰਥਲਾ ਪਹੁੰਚੇ। ਦੋਵਾਂ ਆਪਣੀ ਕਾਰ ਉਥੇ ਛੱਡ ਕੇ, ਤਿੰਨੇ ਹੀ ਪ੍ਰਭਜੋਤ ਦੀ ਕਾਰ ਲੈ ਗਏ ਅਤੇ 11 ਵਜੇ ਚਲੇ ਗਏ। ਪ੍ਰਭਜੋਤ ਦੇ ਦਾਦਾ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਪ੍ਰਭਜੋਤ ਦੇ ਪਿਤਾ ਜਤਿੰਦਰ ਕੌਰ ਅਤੇ ਭਰਾ ਗੁਰਕੀਰਤਪਾਲ ਸਿੰਘ ਇਟਲੀ ਵਿੱਚ ਹਨ । ਪ੍ਰਭਜੋਤ ਵੀ ਇਟਲੀ ਜਾਣ ਵਾਲਾ ਸੀ। ਇਸ ਤੋਂ ਅਲਾਵਾ ਪਾਹੁਲਪ੍ਰੀਤ ਆਈਲੈਂਟਸ ਕਰ ਰਿਹਾ ਸੀ ਅਤੇ ਉਹ ਵੀ ਕੋੋੋੈਨੇਡਾ ਜਾਣ ਵਾਲਾ ਸੀ।
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
