ਬੱਬੇਹਾਲੀ ਨੇ ਸਨੀ ਦਿਓਲ ਵੱਲੋਂ ਭੇਜੀਆਂ ਕਿੱਟਾਂ ਅਤੇ ਮਾਸਕ ਡਿਪਟੀ ਕਮਿਸ਼ਨਰ ਨੂੰ ਸੌਂਪੇ

Adesh Parminder Singh


ਗੁਰਦਾਸਪੁਰ, 9 ਸਤੰਬਰ ( ਅਸ਼ਵਨੀ ) : ਕਰੋਨਾ ਕਹਿਰ ਦੇ ਚਲਦਿਆਂ ਗੁਰਦਾਸਪੁਰ ਤੋਂ ਸੰਸਦ ਮੈਂਬਰ ਸਨੀ ਦਿਓਲ ਨੇ ਆਪਣੇ ਹਲਕੇ ਲਈ ਪੀਪੀਟੀ ਕਿਟਾਂ ,ਬੈੱਡ ਸ਼ੀਟਾਂ ਅਤੇ ਮਾਸਕਾਂ ਨਾਲ ਭਰਿਆ ਇੱਕ ਵਾਹਨ (ਛੋਟਾ ਹਾਥੀ) ਸ਼੍ਰੋਮਣੀ ਅਕਾਲੀ ਦਲ ਦੇ ਜਿਲ੍ਹਾ ਪ੍ਰਧਾਨ ਅਤੇ ਸਾਬਕਾ ਮੁੱਖ ਸੰਸਦੀ ਸਕੱਤਰ ਗੁਰਬਚਨ ਸਿੰਘ ਬੱਬੇਹਾਲੀ ਨੂੰ ਭੇਜਿਆ ਹੈ । ਸਰਦਾਰ ਬੱਬੇਹਾਲੀ ਵੱਲੋਂ ਅੱਜ ਇਹ ਸਮਾਨ ਡਿਪਟੀ ਕਮਿਸ਼ਨਰ, ਗੁਰਦਾਸਪੁਰ ਮੁਹੰਮਦ ਇਸ਼ਫਾਕ ਨੂੰ ਸੌਂਪਿਆ ਗਿਆ । 

ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬੱਬੇਹਾਲੀ ਨੇ ਕਿਹਾ ਕਿ ਜਦੋਂ ਤੋਂ ਕਰੋਨਾ ਨੇ ਸੂਬੇ ਵਿੱਚ ਪੈਰ ਪਸਾਰੇ ਹਨ,ਸਨੀ ਦਿਓਲ ਉਦੋਂ ਤੋਂ ਹੀ ਆਪਣੇ ਹਲਕੇ ਦੇ ਹਾਲਾਤ ਦੀ ਲਗਾਤਾਰ ਜਾਣਕਾਰੀ ਲੈ ਰਹੇ ਹਨ । ਕੁਝ ਦਿਨ ਪਹਿਲਾਂ ਉਹ ਖੁਦ ਗੁਰਦਾਸਪੁਰ ਆ ਕੇ ਜਿਲ੍ਹੇ ਦੇ ਉੱਚ ਅਧਿਕਾਰੀਆਂ ਨਾਲ ਮੁਲਾਕਾਤ ਵੀ ਕਰ ਕੇ ਗਏ ਹਨ ਅਤੇ ਜਰੂਰੀ ਦਿਸ਼ਾ ਨਿਰਦੇਸ਼ ਵੀ ਦੇ ਕੇ ਗਏ ਹਨ । ਉਨ੍ਹਾਂ ਕਿਹਾ ਇਸ ਤੋਂ ਪਹਿਲਾਂ ਵੀ ਸਨੀ ਦਿਓਲ ਪੀਪੀਟੀ ਕਿਟਾਂ ਅਤੇ ਹੋਰ ਜਰੂਰੀ ਸਮਾਨ ਹਲਕੇ ਲਈ ਭੇਜ ਚੁੱਕੇ ਹਨ । ਇਸ ਦੇ ਨਾਲ ਹੀ ਹਲਕਾ ਵਾਸੀਆਂ ਦੀਆਂ ਹੋਰਨਾਂ ਸਮੱਸਿਆਂਵਾਂ ਦੀ ਜਾਣਕਾਰੀ ਵੀ ਸਨੀ ਦਿਓਲ ਨਿਰੰਤਰ ਲੈਂਦੇ ਆ ਰਹੇ ਹਨ ਅਤੇ ਇਨ੍ਹਾਂ ਸਮੱਸਿਆਂਵਾਂ ਦੇ ਹਲ ਲਈ ਉਨ੍ਹਾਂ ਦੇ ਯਤਨ ਲਗਾਤਾਰ ਜਾਰੀ ਹਨ ਜੋ ਅੱਗੇ ਵੀ ਜਾਰੀ ਰਹਿਣਗੇ ।

News

Related posts

Leave a Reply