ਮਿਸ਼ਨ 2022 ਫਤਿਹ ਕਰਨ ਲਈ ਬਸਪਾ ਦੀ ਹਲਕਾ ਪ੍ਰਧਾਨ ਮਨਜੀਤ ਸਿੰਘ ਸਹੋਤਾ ਦੀ ਅਗਵਾਈ ‘ਚ ਹੋਈ ਹੰਗਾਮੀ ਮੀਟਿੰਗ

Adesh Parminder Singh

ਗੜਦੀਵਾਲਾ 8 ਸਤੰਬਰ(ਚੌਧਰੀ) : ਅੱਜ ਗੜ੍ਹਦੀਵਾਲਾ ਵਿਖੇ ਬਹੁਜਨ ਸਮਾਜ ਪਾਰਟੀ ਦੀ ਮੀਟਿੰਗ ਮਨਜੀਤ ਸਿੰਘ ਸਹੋਤਾ ਹਲਕਾ ਪ੍ਰਧਾਨ ਦੀ ਅਗਵਾਈ ਵਿਚ ਹੋਈ।ਜਿਸ ਵਿਚ ਵਿਸ਼ੇਸ਼ ਤੌਰ ਤੇ ਮਨਿੰਦਰ ਸਿੰਘ ਸੇਰਪੁਰੀ ਜੋਨ ਇੰਚਾਰਜ ਲੋਕ ਸਭਾ ਅਤੇ ਹਲਕਾ ਇੰਚਾਰਜ ਉੜਮੁੜ ਟਾਂਡਾ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹਏ ਅਤੇ ਉਨ੍ਹਾਂ ਨਾਲ ਗੁਰਮੁੱਖ ਸਿੰਘ ਪੰਡੋਰੀ ਖਜੂਰ ਜਿਲ੍ਹਾ ਇੰਚਾਰਜ, ਕੁਲਦੀਪ ਸਿੰਘ ਬਿੱਟੂ ਜਿਲ੍ਹਾ ਸਕੱਤਰ,ਨਗਿੰਦਰ ਸਿੰਘ ਮਾਂਗਾ ਵਿਧਾਨ ਸਭਾ ਹਲਕਾ ਜੋਨ ਇੰਚਾਰਜ, ਪਟੇਲ ਸਿੰਘ ਧੁੱਗਾ ਹਲਕਾ ਪ੍ਰਧਾਨ ਯੂਥ ਵਿੰਗ ਟਾਂਡਾ ਉੜਮੁੜ ਸ਼ਾਮਿਲ ਹੋਏ।

ਇਸ ਮੌਕੇ ਸੰਬੋਧਨ ਕਰਦਿਆ ਮਨਿੰਦਰ ਸਿੰਘ ਸ਼ੇਰਪੁਰੀ ਨੇ ਵਰਕਰਾਂ ਨੂੰ ਅਪੀਲ ਕੀਤੀ ਕਿ ਮਿਸ਼ਨ 2022 ਫਤਿਹ ਕਰਨ ਲਈ ਬੁਹਜਨ ਸਮਾਜ ਪਾਰਟੀ ਦਾ ਸਾਥ ਦਿਓ ਅਤੇ ਪਿੰਡ-ਪਿੰਡ ਜਾ ਕੇ ਲੋਕਾਂ ਨੂੰ ਜਾਗਰੂਕ ਕਰੋ।ਉਨ੍ਹਾਂ ਕਿਹਾ ਕਿ ਇਸ ਵਾਰ ਲੋਕਾਂ ਵਿਚ ਪਹਿਲਾਂ ਨਾਲੋ ਵੀ ਵੱਧ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ।ਦਿਨ ਪ੍ਰਤੀ ਦਿਨ ਸਾਥੀਆਂ ਨੂੰ ਪਾਰਟੀ ਨਾਲ ਜੋੜ ਕੇ ਉਨ੍ਹਾਂ ਦੀ ਕਾਬਲੀਅਤ ਦੇ ਅਧਾਰ ਤੇ ਅਹੁਦਿਆਂ ਦੀਆਂ ਜਿੰਮੇਵਾਰੀਆਂ ਦਿੱਤੀਆਂ ਜਾ ਰਹੀਆਂ ਹਨ ਅਤੇ ਤੁਹਾਡੇ ਸਾਰਿਆਂ ਦੇ ਸਹਿਯੋਗ ਤੇ ਮਿਹਨਤ ਸਦਕਾ ਆਉਣ ਵਾਲੇ ਸਮੇਂ ਵਿਚ ਪਾਰਟੀ ਮਜਬੂਤੀ ਨਾਲ ਉਭਰ ਕੇ ਸਾਹਮਣੇ ਆਵੇਗੀ।

ਇਸ ਮੌਕੇ ਡਾਕਟਰ ਜਸ਼ਪਾਲ ਸਿੰਘ,ਚਮਨ ਲਾਲ ਸੀਕਰੀ ਜਨਰਲ ਸੈਕਟਰੀ, ਰਤਨ ਲਾਲ ਕੈਸ਼ੀਅਰ,ਚਮਨ ਲਾਲ ਤੱਖੀ ਬਸਪਾ ਆਗੂ,ਰਾਮ ਸਿੰਘ ਅਰਗੋਵਾਲ ਯੂਥ ਪ੍ਰਧਾਨ,ਜਸਵੀਰ ਸਿੰਘ ਰਾਹੀ,ਧਰਮਪਾਲ ਭੱਟੀ, ਕਸ਼ਮੀਰੀ ਲਾਲ,ਤਰਲੋਚਨ ਸਿੰਘ ਬਾਹਗਾ, ਬਲਵਿੰਦਰ ਸਿੰਘ, ਗੁਰਲਾਲ ਸਿੰਘ ਆਦਿ ਹਾਜਰ ਹੋਏ।

News

Related posts

Leave a Reply