ਰਾਜ ਗੁਰਦਾਸਪੁਰੀ ਦੀਆਂ ਚਾਰ ਤਾਜਾ ਰਚਨਾਵਾਂ ਦੇ ਕੁਝ ਸ਼ੇਅਰ

ਪੇਸ਼ਕਸ਼ -ਰਾਜਿੰਦਰ ਰਾਜਨ ਪਠਾਨਕੋਟ

ਰਾਜ ਗੁਰਦਾਸਪੁਰੀ ਨੇ ਪੰਜਾਬੀ ਗ਼ਜ਼ਲ ਨੂੰ ਨਵੇਂ ਅਯਾਮ ਮੁਹਈਆ ਕੀਤੇ ਹਨ। ਉਸ ਦੀਆਂ ਗ਼ਜ਼ਲਾ ਵਿਚ ਪਹੁ-ਫੁਟਾਲੇ ਦੀ ਲਸ਼ਕ ਦੁਪਿਹਰੀ ਸੂਰਜ ਦੀ ਹਿੱਕ ਚੋਂ ਨਿਕਲੀਆਂ ਨਿੱਘੀਆਂ ਨਿੱਘੀਆਂ ਕਿਰਣਾਂ ਦਾ ਨਿੱਘ, ਸ਼ਾਮ ਨੂੰ ਥੱਕੇ ਹਾਰੇ ਪੰਛੀਆਂ ਦਾ ਆਲਣੇ ਵਿਚ ਵਾਪਿਸ ਆਉਣ ਦੀ ਯਥਾਰਥ ਰੁਮਕਣੀ ਗਾਥਾ, ਆਧੁਨਿਕ ਪ੍ਰਤੀਕਾਂ, ਬਿੰਬਾਂ ਦੀ ਸ਼ੈਲੀ ਤੇ ਭਾਸ਼ਾ ਦੀ ਚਾਸਣੀ ਵਿਚ ਮਿਲੀ ਜੁਲੀ ਪ੍ਰਤੀਕਿਰਿਆ, ਕਿਸੇ ਇੰਤਜ਼ਾਰ ਕਰਦੇ ਸੱਜਣ ਦੇ ਬੁੱਲ੍ਹਾਂ ਤੇ ਥਿੜਕਦੀ ਬਿਰਹੋ , ਨਿਸਤੇਜ ਦਿਲਾਂ ਵਿਚ ਜਗ੍ਹਾ ਦਿੰਦੀ ਦੀਵੇ ਵਰਗੀ ਮੱਧਮ ਰੌਸ਼ਨੀ ਉਸ ਦੀ ਗ਼ਜ਼ਲ। ਕਾਲਪਨਿਕ ਤੇ ਵਾਸਤਵਿਕਤਾ ਦਾ ਪੑਤੀਕਰਮ ਵਿਚ ਅਨੁਪਰਾਸ ਅਲੰਕਾਰਾਂ ਦੀ ਢੁਕਵੀਂ ਤੇ ਜੱਚਵੀ ਥਾਂ ਆਦਿ ਆਮ ਵੇਖਣ ਵਿਚ ਆਉਂਦੇ ਹਨ ।

ਮੈ ਉਸ ਨੂੰ ਬੈਂਕ ਮੈਨੇਜਰ ਦੇ ਤੌਰ ਤੇ ਘੱਟ ਤੇ ਸ਼ਾਇਰ ਪੱਖੋਂ ਜਿਆਦਾ ਜਾਣਦਾ ਹਾਂ ਕਿਉਂਕਿ ਉਸ ਦੀਆਂ ਗ਼ਜ਼ਲਾ ਅਖਬਾਰਾਂ, ਰਸਾਲਿਆਂ ਵਿਚ ਹੀ ਨਹੀਂ ਬਲਕਿ ਅਕਾਸ਼ਵਾਣੀ ਤੇ ਦੂਰਦਰਸ਼ਨ ਤੋਂ ਵੀ ਸੁਣੀਆਂ ਹਨ। ਉਨ੍ਹਾਂ ਨੇ ਤਿੰਨ ਗ਼ਜ਼ਲ ਸੰਗ੍ਰਹਿ “ਲੋਕ ਦਿਲਾ ਦੇ ਕਾਲੇ”, “ਸੁਰਖੀ”, “ਦਰਦ ਪਰਾਇਆ ਸਹਿਣਾ” ਪੰਜਾਬੀ ਮਾਂ ਬੋਲੀ ਦੀ ਝੋਲੀ ਵਿਚ ਪਾਏ ਹਨ । ਰਾਜ ਗੁਰਦਾਪੁਰੀ ਸਵ: ਜਨਾਬ ਦੀਪਕ ਜੈਤੋਈ ਦੇ ਸ਼ਾਗਿਰਦ ਹਨ । ਰਾਜ ਗੁਰਦਾਸਪੁਰੀ ਦਾ ਪੂਰਾ ਨਾਮ ਦੇਵ ਰਾਜ ਹੈ ਪ੍ਰੰਤੂ ਉਹ ਸਾਹਿਤਕ ਨਾਮ ਨਾਲ ਜਾਣੇ ਜਾਂਦੇ ਹਨ ਰਾਜ ਗੁਰਦਾਸਪੁਰੀ। ਉਹ ਪਿਛਲੇ 30 ਸਾਲਾਂ ਤੋਂ ਆਪਣਾ ਜੱਦੀ ਪਿੰਡ ਔਜਲਾ ਨੇੜੇ ਗੁਰਦਾਸਪੁਰ ਛੱਡ ਕੇ ਪਠਾਨਕੋਟ ਵਿਖੇ ਆਪਣੇ ਪਰਿਵਾਰ ਨਾਲ ਰਹਿ ਰਹੇ ਹਨ ਅਤੇ ਪਠਾਨਕੋਟ ਤੋਂ ਹੀਂ ਉਹ ਬੈਂਕ ਤੋਂ ਸੇਵਾ ਮੁਕਤ ਹੋਏ ਹਨ। ਵਿਦਿਅਕ ਪੱਖੋਂ ਐਮ ਏ (ਪੰਜਾਬੀ) ਅਤੇ ਬੀ ਐਡ ਹਨ। ਆਸ ਹੈ ਭਵਿੱਖ ਵਿਚ ਇਹ ਸ਼ਾਇਰ ਆਪਣੀ ਸ਼ਾਇਰੀ ਰਾਹੀ ਆਪਣੀ ਅੱਖਰ ਜਨਨੀ ਦੇ ਜਰੀਏ ਪੰਜਾਬੀ ਸਾਹਿਤ ਨੂੰ ਅਮੀਰ ਤੇ ਬੁਲੰਦੀਆਂ ਤੇ ਪਹੁੰਚਾਏਗਾ। ਰਾਜ ਗੁਰਦਾਸਪੁਰੀ ਦੀਆਂ ਚਾਰ ਤਾਜਾ ਰਚਨਾਵਾਂ ਦੇ ਕੁਝ ਸ਼ੇਅਰ ਇਸ ਤਰ੍ਹਾਂ ਹਨ ।

ਧੰਨਵਾਦ ਜੀ।

ਸ਼ੁਭਚਿੰਤਕ
ਲੇਖਕ: ਗਿਆਨੀ ਰਜਿੰਦਰ ਸਿੰਘ ਰਾਜਨ
ਮੋਬਾਇਲ ਫੋਨ ਨੰਬਰ 9417427656