ਸਿੱਧੂ ਪਰਿਵਾਰ ਨਾਲ ਸਬੰਧਤ ਮਨੀਲਾ ਚ ਸਿਮਰ ਕੌਰ ਦਾ ਇਕ ਫਿਲਪੀਨ ਨੌਜਵਾਨ ਨੇ ਚਾਕੂ ਮਾਰ ਕੇ ਕਤਲ ਕੀਤਾ

Advertisements

ਕਪੂਰਥਲਾ : ਪਿੰਡ ਸਿੱਧਵਾਂ ਦੋਨਾ ਦੀ ਵਸਨੀਕ ਤੇ ਸਿੱਧੂ ਪਰਿਵਾਰ ਨਾਲ ਸਬੰਧਤ ਸਿਮਰ ਕੌਰ ਪਤਨੀ ਲਛਮਣ ਸਿੰਘ, ਦਾ  ਮਨੀਲਾ ਵਿਚ ਇਕ ਫਿਲਪੀਨ ਨੌਜਵਾਨ ਨੇ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ। ਇਸ ਸਬੰਧ ਵਿੱਚ ਮਨੀਲਾ ਵਿੱਚ ਰਹਿਣ ਵਾਲੇ ਸਿੱਧਵਾਂ ਦੋਨਾ ਦੀ ਨੌਜਵਾਨ ਗੈਰੀ ਸਿੱਧੂ ਨੇ ਦੱਸਿਆ ਕਿ ਸਿਮਰ ਕੌਰ ਦਾ ਪੁੱਤਰ ਅਮਰਜੀਤ ਸਿੰਘ 10 ਸਾਲ ਪਹਿਲਾਂ ਰੁਜ਼ਗਾਰ ਦੀ ਭਾਲ ਵਿੱਚ ਮਨੀਲਾ ਗਿਆ ਸੀ। ਉਹ ਆਪਣਾ ਕਾਰੋਬਾਰ ਮਨੀਲਾ ਅਤੇ ਸੇਬੂ ਸਿਟੀ ਵਿੱਚ ਕਰਦਾ ਸੀ ਅਤੇ ਫਿਲਿਪਲਾਈਨ ਕਲੋਨੀ ਵਿੱਚ ਰਹਿੰਦਾ ਸੀ।

ਸਿਮਰ ਕੌਰ ਦੋ ਸਾਲ ਪਹਿਲਾਂ ਆਪਣੇ ਬੇਟੇ ਕੋਲ ਗਈ ਸੀ। ਉਸਨੇ ਦੱਸਿਆ ਕਿ ਫਿਲੀਪੀਨਜ਼ ਦੀ ਇੱਕ ਲੜਕੀ ਸਿਮਰ ਕੌਰ ਦੇ ਘਰ ਨੇੜੇ ਰਹਿੰਦੀ ਸੀ ਅਤੇ ਉਹ ਆਪਣਾ ਬਹੁਤਾ ਸਮਾਂ ਅਮਰਜੀਤ ਸਿੰਘ ਦੇ ਘਰ ਸਿਮਰ ਕੌਰ ਨਾਲ ਬਿਤਾਉਂਦੀ ਸੀ। ਵੀਰਵਾਰ ਨੂੰ ਫਿਲਪੀਨ ਦੇ ਨੌਜਵਾਨ ਅਮਰਜੀਤ ਸਿੰਘ ਦੇ ਘਰ ਆਇਆ ਅਤੇ ਲੜਕੀ ਨਾਲ ਜ਼ਬਰਦਸਤੀ ਕਰਨ ਲੱਗਾ। ਰੌਲਾ ਸੁਣ ਕੇ ਸਿਮਰ ਕੌਰ ਨੇ ਲੜਕੇ ਦਾ ਵਿਰੋਧ ਕੀਤਾ ਅਤੇ ਉਸਨੂੰ ਘਰੋਂ ਭਜਾ ਦਿੱਤਾ। ਥੋੜ੍ਹੀ ਦੇਰ ਬਾਅਦ ਲੜਕਾ ਫਿਰ ਚਾਕੂ ਲੈ ਕੇ ਆਇਆ ਅਤੇ ਉਸਨੇ ਲੜਕੀ ਨੂੰ ਚਾਕੂ ਮਾਰਨਾ ਸ਼ੁਰੂ ਕਰ ਦਿੱਤਾ। ਸਿਮਰ ਕੌਰ ਲੜਕੀ ਨੂੰ ਬਚਾਉਣ ਲਈ ਅੱਗੇ ਆਈ ਅਤੇ ਉਸ ਲੜਕੇ ਨੇ ਸਿਮਰ ਕੌਰ ਨੂੰ ਚਾਕੂ ਨਾਲ ਕਈ ਵਾਰ ਵਾਰ ਕੀਤੇ । ਜ਼ਖਮਾਂ ਦੀ ਤਾਬ ਨਾ ਝੱਲਦੀ ਹੋਏ ਉਸ ਨੇ ਅੱਜ ਹਸਪਤਾਲ ਵਿਚ ਦਮ ਤੋੜ ਦਿੱਤਾ।

Advertisements

Related posts

Leave a Comment