RECENT : ਬਾਲੀਵੁੱਡ ਅਦਾਕਾਰਾ ਸ਼ਰਲਿਨ ਚੋਪੜਾ, ਰਾਹੁਲ ਗਾਂਧੀ ਨਾਲ ਵਿਆਹ ਕਰਨ ਲਈ ਤਿਆਰ, ਪਰ ਰੱਖੀ ਇਹ ਸ਼ਰਤ

ਮੁੰਬਈ (ਬਿਊਰੋ) ਬਾਲੀਵੁੱਡ ਦੀ ਬੋਲਡ ਅਦਾਕਾਰਾ ਸ਼ਰਲਿਨ ਚੋਪੜਾ ਨੇ ਅੱਜ ਇਕ ਮੀਡੀਆ ਹਾਊਸ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਉਹ ਰਾਹੁਲ ਗਾਂਧੀ ਨਾਲ ਵਿਆਹ ਕਰਨ ਲਈ ਤਿਆਰ ਹੈ ਪਰ ਉਨ੍ਹਾਂ ਦੀ ਇਕ ਸ਼ਰਤ ਹੈ। ਸ਼ਰਲਿਨ ਦੀ ਸ਼ਰਤ ਇਹ ਹੈ ਕਿ ਉਹ ਵਿਆਹ ਤੋਂ ਬਾਅਦ ਵੀ ਚੋਪੜਾ ਸਰਨੇਮ ਚਾਹੁੰਦੀ ਹੈ ਨਾ ਕਿ ਗਾਂਧੀ। ਯਾਨੀ ਵਿਆਹ ਤੋਂ ਬਾਅਦ ਸ਼ਰਲਿਨ ਦਾ ਨਾਂ ਸ਼ਰਲਿਨ ਚੋਪੜਾ ਹੀ ਰਹੇਗਾ।

ਸ਼ਰਲਿਨ ਦੇ ਬਿਆਨ ਦੇ ਵੀਡੀਓ ‘ਤੇ ਇਕ ਯੂਜ਼ਰ ਨੇ ਲਿਖਿਆ ਹੈ ਕਿ ਉਸ ਨੇ ਵੀ ਰਾਖੀ ਸਾਵੰਤ ਦਾ ਨਸ਼ਾ ਕਰ ਲਿਆ ਹੈ। ਸ਼ਰਲਿਨ ਮੁਤਾਬਕ ਜੇਕਰ ਰਾਹੁਲ ਗਾਂਧੀ ਸ਼ਰਲਿਨ ਚੋਪੜਾ ਦੀਆਂ ਇਹ ਸ਼ਰਤਾਂ ਮੰਨ ਲੈਂਦੇ ਹਨ ਤਾਂ ਉਹ ਉਸ ਨਾਲ ਵਿਆਹ ਕਰਨ ਲਈ ਤਿਆਰ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਰਲਿਨ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਇੰਨਾ ਫੈਲ ਰਿਹਾ ਹੈ ਕਿ ਲੱਗਦਾ ਹੈ ਕਿ ਇਹ ਵੀਡੀਓ ਜਲਦ ਹੀ ਰਾਹੁਲ ਤੱਕ ਵੀ ਪਹੁੰਚ ਜਾਵੇਗੀ। ਇਸ ਵੀਡੀਓ ‘ਚ ਸ਼ਰਲਿਨ ਤੋਂ ਪੁੱਛਿਆ ਗਿਆ ਹੈ ਕਿ ਕੀ ਉਹ ਰਾਹੁਲ ਗਾਂਧੀ ਨਾਲ ਵਿਆਹ ਕਰਨਾ ਚਾਹੁੰਦੀ ਹੈ, ਜਿਸ ‘ਤੇ ਸ਼ਰਲਿਨ ਨੇ ਕਿਹਾ ਕਿ ਹਾਂ, ਕਿਉਂ ਨਹੀਂ।

Advertisements