ਗੁਰਦਾਸਪੁਰ ਵਿਚ ਦੋ ਸਕੇ ਭਰਾਵਾਂ ਦਾ ਗੋਲੀਆ ਮਾਰ ਕੇ ਕਤਲ
ਗੁਰਦਾਸਪੁਰ 16 ਜੂਨ ( ਅਸ਼ਵਨੀ ) :
ਪੁਲਿਸ ਜਿਲਾ ਗੁਰਦਾਸਪੁਰ ਦੇ ਪਿੰਡ ਅਲੋਵਾਲ ਬਾਉਲੀ ਵਿਖੇ ਸਾਬਕਾ ਫੋਜੀ ਤੇ ਉਸ ਦੇ ਸਾਥੀਆ ਵੱਲੋਂ ਦੋ ਸਕੇ ਭਰਾਵਾਂ ਦਾ ਗੋਲੀਆ ਮਾਰ ਕੇ ਕੱਤਲ਼ ਕਰ ਦੇਣ ਬਾਰੇ ਜਾਣਕਾਰੀ ਹਾਸਲ ਹੋਈ ਹੈ । ਘਟਨਾ ਦੀ ਸੂਚਨਾ ਮਿਲਦੇ ਹੀ ਰਜਿੰਦਰ ਸਿੰਘ ਸੋਹਲ ਐਸ ਐਸ ਪੀ ਗੁਰਦਾਸਪੁਰ,ਹਰਵਿੰਦਰ ਸਿੰਘ ਸੰਧੂ ਐਸ ਪੀ ਡੀ,ਹਰਵਿੰਦਰ ਸਿੰਘ ਡੀ ਐਸ ਪੀ,ਪਰਮਿੰਦਰ ਸਿੰਘ ਡੀ ਐਸ ਪੀ ਅਤੇ ਪੁਲਿਸ ਸਟੇਸ਼ਨ ਧਾਰੀਵਾਲ ਮੁਖੀ ਮਨਜੀਤ ਸਿੰਘ ਪੁਲਿਸ ਫੋਰਸ ਸਮੇਤ ਮੋਕਾਂ ਤੇ ਪੁੱਜੇ ਤੇ ਘਟਨਾ ਦਾ ਜਾਇਜਾ ਲਿਆ ।
ਮ੍ਰਿਤਕ ਭਰਾ ਦਿਲਪ੍ਰੀਤ ਸਿੰਘ 24 ਸਾਲ ਅਤੇ ਗਗਨਦੀਪ ਸਿੰਘ 28 ਸਾਲ ਪੁਤਰਾਨ ਅਜੀਤ ਸਿੰਘ ਜੋ ਕਿ ਪਿੰਡ ਕੋਟ ਸੰਤੋਖਰਾਏ ਦੇ ਵਸਨੀਕ ਦੱਸੇ ਜਾ ਰਹੇ ਹਨ ਇਹਨਾਂ ਦੀ ਜ਼ਮੀਨ ਦੇ ਨਾਲ ਸਾਬਕਾ ਫੋਜੀ ਜਸਵਿੰਦਰ ਸਿੰਘ ਦੀ ਜ਼ਮੀਨ ਲੱਗਦੀ ਹੈ ।
ਇਹਨਾਂ ਦੋਵਾਂ ਮ੍ਰਿਤਕ ਨੋਜਵਾਨਾਂ ਦੇ ਚਾਚਾ ਅਮਰੀਕ ਸਿੰਘ ਦੇ ਪੁੱਤਰ ਗੁਰਪ੍ਰੀਤ ਸਿੰਘ ਨੇ ਦਸਿਆ ਕਿ ਕੁਝ ਦਿਨਾਂ ਤੋਂ ਇਹਨਾ ਦੋਵਾ ਧਿਰਾਂ ਦਾ ਆਪਸੀ ਬੋਲ ਬੁਲਾਰਾ ਚਲ ਰਿਹਾ ਸੀ ਤੇ ਅੱਜ ਗੱਲ-ਬਾਤ ਲਈ ਟਾਇਮ ਰੱਖਿਆ ਸੀ ਜਦੋਂ ਿੲਹ ਦੋਵੇਂ ਗੱਲ-ਬਾਤ ਲਈ ਮੋਟਰ ਸਾਈਕਲ ਤੇ ਪਿੰਡ ਅਲੋਵਾਲ ਗਏ ਤਾਂ ਸਾਬਕਾ ਫੋਜੀ ਜਸਵਿੰਦਰ ਸਿੰਘ ਪੁੱਤਰ ਗਿਆਨ ਸਿੰਘ,ਸੁਖਮਨ ਸਿੰਘ,ਗੁਰਪਿੰਦਰ ਸਿੰਘ,ਜਰਮਨ ਸਿੰਘ ਵਾਸੀ ਪਿੰਡ ਅਰਜੁਨਪੁਰਾ ਆਦਿ ਨੇ ਆਪਨੇ ਸਾਥੀਆ ਨਾਲ ਮਿਲ ਕੇ ਇਹਨਾਂ ਦੋਵਾਂ ਨੂੰ ਗੋਲੀਆ ਮਾਰ ਕੇ ਮਾਰ ਦਿੱਤਾ।
ਪੁਲਿਸ ਵੱਲੋਂ ਮ੍ਰਿਤਕ ਤਕ ਸਰੀਰਾਂ ਨੂੰ ਪੋਸਟ ਮਾਰਟਮ ਲਈ ਸਿਵਲ ਹਸਪਤਾਲ ਲੈ ਜਾਇਆ ਗਿਆ ਅਤੇ ਮ੍ਰਿਤਕ ਨੋਜਵਾਨਾ ਦੇ ਚਾਚੇ ਦੇ ਲੜਕੇ ਦੇ ਬਿਆਨ ਲੈ ਕੇ ਪੁਿਲਸ ਸਟੇਸ਼ਨ ਧਾਰੀਵਾਲ ਵਿਖੇ ਮਾਮਲਾ ਦਰਜ ਕਰਕੇ ਸਾਬਕਾ ਫੋਜੀ ਤੇ ਉਸ ਦੀ ਪਤਨੀ ਨੂੰ ਹਿਰਾਸਤ ਵਿਚ ਲੈਕੇ ਦੋਨਾਲੀ ਬੰਦੂਕ ਬਰਾਮਦ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।
EDITOR
CANADIAN DOABA TIMES
Email: editor@doabatimes.com
Mob:. 98146-40032 whtsapp
